ທີ່ຕັ້ງ, ພາລະບົດບາດ, ສິດ ແລະ ໜ້າທີ່ ຂອງຄະນະໂຄສະນາອົບຮົມ ແຂວງວຽງຈັນ

ລາຍລະອຽດ

ສ້າງຂື້ນເມື່ອ ວັນອັງຄານ, 19 ທັນວາ 2017 18:21

- ທີ່ຕັ້ງ: ຄະນະໂຄສະນາອົບຮົມແຂວງວຽງ​ຈັນ ຂຽນຊື່ຫຍໍ້ ດ້ວຍຕົວອັກສອນ  (ຄອຮ.ຂຈ ) ແມ່ນ​ອົງ​ການ​ຈັດ​ຕັ້ງ​ໜຶ່ງ​ຂອງ​ພັກ, ມີ​ຖາ​ນະ​ທຽບ​ເທົ່າ​ພະ​ແນກ​ການ ແລະ ອົງ​ການ​ຕ່າງໆ ຂັ້ນ​ແຂວງ.
- ພາລະບົດບາດ: ຄະນະໂຄສະນາອົບຮົມແຂວງວຽງ​ຈັນ ມີພາລະບົດບາດເປັນເສນາທິການໃຫ້ແກ່ຄະນະປະຈໍາພັກ ແລະ ຄະນະບໍລິຫານງານພັກແຂວງ ກ່ຽວກັບວຽກງານການເມືອງ-ແນວຄິດ, ວຽກງານໂຄສະນາອົບຮົມ, ວຽກງານປາຖະກະຖາ, ວຽກ​ງານ​ສັງ​ລວມ ແລະ ຂໍ້​ມູນ​ຂ່າວ​ສານ ໃນທົ່ວແຂວງ.
- ໜ້າທີ່ຂອງ ຄອຮ ຂຈ:
1. ຈັດຕັ້ງເຜີຍແຜ່ເຊື່ອມຊຶມແນວທາງນະໂຍບາຍຂອງພັກ, ກົດໝາຍຂອງລັດ ແລະ ບັນດາມະຕິກອງປະຊຸມໃຫຍ່ຂອງພັກ, ມະຕິ, ຄໍາສັ່ງຕ່າງໆ ຂອງສູນກາງພັກ, ແຜນພັດທະນາເສດຖະກິດ-ສັງຄົມ ຂອງລັດ ຖະບານ, ຂອງແຂວງ ໃຫ້ແກ່ພະນັກງານ, ສະມາຊິກພັກ, ທະຫານ, ຕໍາຫຼວດ, ຊັ້ນຄົນປັນຍາຊົນ, ນັກທຸລະ ກິດ, ພໍ່ຄ້າຊາວຂາຍ ແລະ ປະຊາຊົນບັນດາເຜົ່າ ໃນທົ່ວແຂວງ.
2. ຄົ້ນຄວ້າ ຫັນເອົາແນວທາງນະໂຍບາຍຂອງພັກ, ມະຕິກອງປະຊຸມໃຫຍ່ຂອງອົງຄະນະພັກ ແລະ ແຜນພັດທະນາເສດຖະກິດສັງຄົມ ຂອງແຂວງ ມາເປັນແຜນການ, ແຜນງານ, ໂຄງການລະອຽດຂອງຕົນ ພ້ອມທັງຮັບຜິດຊອບໃນການຈັດຕັ້ງປະຕິບັດໃຫ້ປະກົດຜົນເປັນຈິງ.
3. ຄົ້ນຄວ້າຮ່າງແຜນຍຸດທະສາດ ກ່ຽວກັບວຽກງານການເມືອງ-ແນວຄິດ, ວຽກງານໂຄສະນາອົບຮົມ, ວຽກງານໂຄສະນາປາຖະກະຖາ  ແລະ ວຽກງານຫາງສຽງສັງຄົມ-ຂໍ້​ມູນ​ຂ່າວ​ສານ ໄລຍະຍາວ ເພື່ອສະເໜີຄະນະປະຈໍາພັກແຂວງ ພິຈາລະນາ.
4. ສ້າງແຜນການ, ໂຄງການລະອຽດ ໃນການບໍາລຸງສ້າງຖັນແຖວພະນັກງານ ຜູ້ທີ່ເຮັດວຽກງານການ ເມືອງ-ແນວຄິດ, ຜູ້ທີ່ເຮັດວຽກງານໂຄສະນາອົບຮົມ, ເຮັດວຽກງານເກັບກໍາຫາງສຽງສັງຄົມ, ນັກໂຄສະນາປາຖະກະຖາ ຂອງບັນດາຂະແໜງການອ້ອມຂ້າງແຂວງ ແລະ ຂັ້ນເມືອງ ພ້ອມທັງຈັດຕັ້ງຝຶກອົບຮົມ.
5. ຈັດຕັ້ງການໂຄສະນາປາຖະກະຖາ, ມູນເຊື້ອໃນໂອກາດວັນສໍາຄັນຂອງຊາດ, ຂອງພັກ, ຂອງທ່ານຜູ້ນໍາ, ສະພາບການທີ່ພົ້ນເດັ່ນຢູ່ພາຍໃນ ແລະ ຕ່າງປະເທດ ໃຫ້ພະນັກງານ, ສະມາຊິກພັກ, ຊັ້ນຄົນປັນຍາຊົນ ແລະ ປະຊາຊົນບັນດາເຜົ່າພາຍໃນແຂວງ.
6. ກໍາແໜ້ນສະພາບແນວຄິດ ແລະ ເກັບກໍາຫາງສຽງສັງຄົມນໍາເປົ້າໝາຍຕ່າງໆ ໃນສັງຄົມຕາມຂອບເຂດສິດ, ໜ້າທີ່ຂອງຕົນ ພ້ອມທັງຄົ້ນຄວ້າວິໄຈ ແລະ ສະເໜີວິທີການແກ້ໄຂ ຕໍ່ຄະນະປະຈໍາພັກແຂວງ ໃຫ້ທິດຊີ້ ນໍາໃນການແກ້ໄຂໃຫ້ຖືກຕ້ອງທັນເວລາ.
7. ຄຸ້ມຄອງລະບົບໄອທີ, ເຕັກນິກ, ຂໍ້ມູນຂ່າວສານ, ເວບໄຊ ຂອງຄະນະໂຄສະນາອົບຮົມແຂວງ ເພື່ອຮັບໃຊ້ໜ້າທີ່ວຽກງານໃຫ້ວ່ອງໄວ ແລະ ທັນການ.
8. ຈັດຕັ້ງໂຄສະນາເຄື່ອນທີ່, ການໂຄສະນາຜ່ານສື່ ແລະ ຕິດພັນໃນການແຈກຢາຍວາລະສານໂຄສະນາ ແລະ ວາລະສານອະລຸນໃໝ່ ເພື່ອເຄື່ອນໄຫວໂຄສະນາ-ນໍາພາແນວຄິດປະຊາຊົນໃຫ້ໄດ້ຢ່າງກວ້າງຂວາງທົ່ວເຖິງ ເປັນຕົ້ນ ໃນຂອບເຂດຈຸດສຸມຂອງແຂວງ.
9. ປະສານສົມທົບກັບບັນດາພະແນກການ, ອົງ​ການ, ກົມ​ກອງ ອ້ອມຂ້າງແຂວງ ແລະ ຄະນະພັກເມືອງ, ຄະນະໂຄສະນາອົບຮົມເມືອງ ເພື່ອສຶກສາອົບຮົມວຽກງານການເມືອງ-ແນຄິດ, ວຽກງານໂຄສະນາອົບຮົມ, ວຽກງານໂຄສະນາປາຖະກະຖາ ແລະ ວຽກງານຫາງສຽງສັງຄົມ ໃຫ້ພະນັກງານ, ສະມາຊິກພັກ ແລະ ປະຊາຊົນບັນດາເຜົ່າ ຢ່າງທົ່ວເຖິງ.
10. ສະຫຼຸບຕີລາຄາວຽກງານການເມືອງ-ແນວຄິດ, ຈັດຕັ້ງບໍາລຸງ ແນະນໍາດ້ານວິຊາການ, ສະໜອງເອກະສານທີ່ຈໍາເປັນໃຫ້ຄະນະໂຄສະນາອົບຮົມເມືອງ, ຂະແໜງການອ້ອມຂ້າງແຂວງ.
11. ຂຶ້ນແຜນງົບປະມານ, ຄຸ້ມຄອງຊັບສິນ, ເຮັດວຽກງານບໍລິຫານ-ພິທີການ, ການຄົ້ນຄວ້າປັບປຸງກົງຈັກການຈັດຕັ້ງ, ການສ້າງແຜນກໍານົດພະນັກງານນໍາພາ-ຄຸ້ມຄອງ, ແຜນບໍາລຸງກໍ່ສ້າງພະນັກງານ, ແຜນກໍານົດຕໍາ ແໜ່ງງານ, ການປະຕິບັດນະໂຍບາຍ, ການປະສານງານ, ພົວພັນ ແລະ ສະຫຼຸບວຽກງານຮອບດ້ານຂອງຄະນະໂຄສະນາອົບຮົມແຂວງ ເປັນປົກກະຕິ.
12. ປະ​ສານ​ສົມ​ທົບ​ກັບ​ພາກ​ສ່ວນ​ທີ່​ກ່ຽວ​ຂ້ອງ ຂຶ້ນ​ແຜນ​ຝຶກອົບ​ຮົມ​ເປົ້າ​ໝາຍ​ຕ່າງໆ ຕາມ​ທິດ​ຊີ້​ນຳ​ຂອງ​ຄະ​ນະ​ປະ​ຈຳ​ພັກ​ແຂວງ ແລະ ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ.
13. ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະປະຈໍາພັກແຂວງ ແລະ ຂັ້ນເທິງ.
+ ຂອບເຂດສິດ.
1. ເຂົ້າຮ່ວມກອງປະຊຸມຄະນະບໍລິງານພັກແຂວງ, ອົງການປົກຄອງແຂວງ, ກອງປະຊຸມຄະນະໂຄສະນາອົບຮົມສູນກາງພັກ ແລະ ກອງປະຊຸມອື່ນໆ ຕາມການຕົກລົງ ຂອງຄະນະປະຈໍາພັກແຂວງ ແລະ ຕາມການເຊີນຂອງອົງການກ່ຽວຂ້ອງ, ປະກອບຄໍາຄິດ ຄໍາເຫັນທີ່ພົວພັນເຖິງວຽກງານການເມືອງ-ແນວຄິດ ວຽກງານໂຄສະນາອົບຮົມ ແລະ ວຽກງານອື່ນໆ ຕາມຄວາມເປັນຈິງ.
2. ອອກຄໍາແນະນໍາ ແລະ ແຈ້ງການຕ່າງໆ ເຖິງຄະນະພັກພະແນກການ, ອົງການ, ກົມ​ກອງຂອງແຂວງ, ແລະ ຄະນະພັກເມືອງ ກ່ຽວກັບການເມືອງ-ແນວຄິດ, ວຽກງານໂຄສະນາອົບຮົມ, ວຽກງານປາຖະກະຖາ ແລະ ວຽກ​ງານ​ຄົ້ນ​ຄວ້າ​ສັງ​ລວມ-ຂໍ້​ມູນ​ຂ່າວ​ສານ ຕາມຄວາມຮັບຜິດຊອບຂອງຕົນ.
3. ສະເໜີການປັບປຸງກົງຈັກການຈັດຕັ້ງ, ການບັນຈຸ, ສັບຊ້ອນ, ແຕ່ງຕັ້ງ, ຍົກຍ້າຍ, ຍ້ອງຍໍ, ປະຕິບັດນະໂຍບາຍ ແລະ ປະຕິບັດວິໄນຕໍ່ພະນັກງານ-ລັດຖະກອນ ທີ່ຢູ່ໃຕ້ການຄຸ້ມຄອງຂອງຕົນ ຕາມລະບຽບຫຼັກການກໍານົດໄວ້.
4. ສະເໜີປັບປຸງ ຫຼື ລົບລ້າງມະຕິຕົກລົງ, ຂໍ້ຕົກລົງ, ຄໍາສັ່ງ, ຄໍາແນະນໍາ, ແຈ້ງການ ແລະ ນິຕິກໍາອື່ນໆ ກ່ຽວກັບວຽກງານໂຄສະນາອົບຮົມທີ່ຂັດກັບແນວທາງນະໂຍບາຍຂອງພັກ, ກົດໝາຍ ແລະ ບໍ່ສອດຄ່ອງກັບພາລະບົດບາດ ແລະ ສະພາບຄວາມເປັນຈິງຂອງວຽກງານ.
5. ເຊັນເອກະສານທາງການໄດ້ຕາມພາລະບົດບາດ, ໜ້າທີ່, ສິດ ແລະ ຄວາມຮັບຜິດຊອບຂອງຕົນທີ່ກໍານົດໄວ້.
6. ຈັດຕັ້ງປະຕິບັດງົບປະມານຂອງຂະແໜງການຕົນ ໃຫ້ຖືກຕ້ອງຕາມລະບຽບຫຼັກການ ແລະ ການນໍາໃຊ້ພາຫະນະ, ວັດຖຸອຸປະກອນຕ່າງໆ ທີ່ພັກ-ລັດ ມອບໝາຍໃຫ້ມີປະສິດທິຜົນສູງ.
- ກົງຈັກການຈັດຕັ້ງ ປະກອບມີ 4 ຂະແໜງການ ຄື:
1. ຂະແໜງບໍລິຫານ.
2. ຂະແໜງໂຄສະນາ.
3. ຂະແໜງອົບຮົມ.
4. ຂະແໜງສັງລວມ ແລະ ຂໍ້ມູນຂ່າວສານ.
- ໂຄງປະກອບບຸກຄະລາກອນ.
1. ຫົວໜ້າຄະນະໂຄສະນາອົບຮົມແຂວງ ມີ 1 ທ່ານ, ມີຄວາມຮັບຜິດຊອບຕໍ່ຄະນະບໍລິຫານງານພັກແຂວງ, ຄະນະປະຈໍາພັກແຂວງ ກ່ຽວກັບວຽກງານການເມືອງ-ແນວຄິດ ແລະ ວຽກງານໂຄສະນາອົບຮົມ; ການຄຸ້ມຄອງພະນັກງານ ຕາມຄວາມຮັບຜິດຊອບ ແລະ ມີສິດໜ້າທີ່ຕາມພາລະບົດບາດທີ່ໄດ້ກໍານົດໄວ້, ໃນເວລາຕິດຂັດພາລະກິດຕ້ອງມອບໃຫ້ຮອງຫົວໜ້າຄະນະໂຄສະນາອົບຮົມສະຫາຍໃດໜຶ່ງເປັນຜູ້ຮັກສາການແທນ.
2. ມີຮອງຫົວໜ້າຄະນະໂຄສະນາອົບຮົມແຂວງ ຈໍານວນໜຶ່ງ ເປັນຜູ້ຊ່ວຍ ຫົວໜ້າຄະນະໂຄສະນາອົບຮົມ ໃນການຊີ້ນໍາວຽກງານຂອງຕົນ, ຮັບຜິດຊອບວຽກງານໃດໜຶ່ງ ຕາມການມອບໝາຍຂອງຫົວໜ້າຄະນະໂຄສະນາອົບຮົມ, ມີຄວາມຮັບຜິດຊອບໂດຍກົງຕໍ່ຜົນສໍາເລັດ, ຂໍ້ຂາດຕົກບົກຜ່ອງໃນວຽກງານທີ່ຕົນເອງຊີ້ນໍາ ແລະ ເປັນຜູ້ຮັກສາການແທນໃນເວລາຫົວໜ້າຕິດຂັດ.
3. ມີຫົວໜ້າຂະແໜງ, ຮອງຫົວໜ້າຂະແໜງ ແລະ ພະນັກງານ-ລັດຖະກອນ ຈໍານວນໜຶ່ງຕາມການກໍານົດຕໍາແໜ່ງງານ.
--------------------------------------------------------------------------
ຄັດມາຈາກ: ມະຕິຕົກລົງ ຂອງຄະນະປະຈຳພັກແຂວງວຽງຈັນ ສະບັບເລກທີ 059 / ຄປພວຈ, ລົງວັນທີ 1 ມີນາ 2023 ວ່າດ້ວຍ ທີ່ຕັ້ງ, ພາລະບົດບາດ, ໜ້າທີ່, ຂອບເຂດສິດ, ໂຄງປະກອບກົງຈັກການຈັດຕັ້ງ, ຫຼັກການ ແລະ ແບບແຜນວິທີເຮັດວຽກ ຂອງຄະນະໂຄສະນາອົບຮົມແຂວງວຽງຈັນ.
By Admin: Sird Yamyouan.