ພິທີປະກາດພັກການ-ຮັບອຸດໜູນບຳນານ

               

              ໃນວັນທີ 24 ກຸມພາ 2022 ຄະນະໂຄສະນາອົບຮົມແຂວງ ໄດ້ຈັດພິທີປະກາດຮອງຫົວໜ້າຄະນະໂຄສະນາອົບຮົມແຂວງວຽງຈັນ ອອກພັກການ-ຮັບອຸດໜູນບໍານານ ຢູ່ທີ່ຫ້ອງປະຊຸມຄະນະກວດກາພັກແຂວງ  ພາຍໃຕ້ການເປັນປະທານຂອງ ທ່ານ ຄໍາພັນ ສິດທິດໍາພາ ກໍາມະການສູນການງພັກ, ເລຂາພັກແຂວງ, ເຈົ້າແຂວງວຽງຈັນ ມີທ່ານ ສົມຄິດ ອິນທະວົງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ ພ້ອມດ້ວຍຄະນະ ແລະ ແຂກຖືກເຊີນຈາກພະແນກອ້ອມຂ້າງພ້ອມດ້ວຍພະນັກງານພາຍໃນຄະນະໂຄສະນາອົບຮົມແຂວງວຽງຈັນເຂົ້າຮ່ວມ.

  

                   ທ່ານ ກົງເພັດ ສໍປະດິດ ຮອງຫົວໜ້າພະແນກພາຍໃນແຂວງ ໄດ້ຜ່ານຂໍ້ຕົກລົງຂອງທ່ານເຈົ້າແຂວງວຽງຈັນ ສະ ບັບເລກທີ 144/ວຈ.ຂຈ, ລົງວັນທີ 11 ກຸມພາ 2022 ວ່າດ້ວຍການ ອະນຸມັດໃຫ້ພະນັກງານອອກພັກການ-ຮັບອຸດໜູນບໍານານເຊີ່ງຂໍ້ຕົກລົງ ເຫັນ​ດີ​ອະນຸມັດ​ໃຫ້​ທ່ານ ນາງ ​ແຖວ​ເງິນ ຊາ​ມຸນຕີ ຮອງ​ຫົວໜ້າຄະນະ​ໂຄສະນາ​ອົບຮົມ ​ແຂວງ​ວຽງຈັນ ອອກ​ພັກ​ການ-ຮັບ​ອຸດໜູນບໍານານ, ນັບ​ແຕ່​ລົງ​ວັນ​ທີ 01 ມັງກອນ 2022 ​ເປັນ​ຕົ້ນ​ໄປ ​ເຊິ່ງລວມອາຍຸ​ກະສຽນ 59 ປີ, ປີ​ເຂົ້າ​ການ​ປະຕິວັດ ລວມອາຍຸການ​ໄດ້ 35 ປີ.

​          ໃນ​ໂອກາດ​ນີ້ ພທີທີ່ມີຄວາມໝາຍຄວາມສຳຄັນເຊີ່ງໄດ້ຮັບກຽດໂອ້ລົມຈາກທ່ານ ຄໍາ​ພັນ ສິດທິ​ດໍາ​ພາ ກໍາມະການ​ສູນ​ກາງ​ພັກ, ​ເລຂາ​ພັກ​ແຂວງ, ​ເຈົ້າ​ແຂວງວຽງຈັນ ​ເຊີ່ງທ່ານໄດ້​ກ່າວ​ຍ້ອງຍໍ​ຊົມ​ເຊີຍ​ຜົນ​ສໍາ​ເລັດ​ຂອງ​ການຈັດ​ຕັ້ງ​ປະຕິບັດໜ້າທີ່​ວຽກງານ​ທີ່​ພັກ ​ແລະ ລັດ​ໄດ້ມອບໝາຍ​ໃຫ້​ສໍາ​ເລັດ​ຕາມໜ້າທີ່ຂອງຕົນຮັບຜິດຊອບ ​ໂດຍ​ສະ​ເພາະ ການຈັດ​ຕັ້ງ​ປະຕິບັດ​ວຽກງານ​ວິຊາ​ສະ​ເພາະ​ທີ່​ໄດ້​ຮັບ​ການ​ມອບໝາຍ​.

ພ້ອມນັ້ນທ່ານຍັງໃຫ້ທິດຊີ້ນຳຕໍ່ຄະນະພັກ, ຄະນະໂຄສະນາອົບຮົມກໍ່ຄືພະນັກງານພາຍໃນຄະນະໂຄສະນາອົບຮົມໃຫ້ເປັນເສນາທິການທີ່ດີໃຫ້ແກ່ຄະນະພັກຂັ້ນເທິງ ທາງດ້ານການເມືອງ-ແນວຄິດ ສ້າງການຫັນປ່ຽຢ່າງແຂງແຮງໃນວຽກງານໂຄສະນາອົບຮົມ ສຶບຕໍ່ກຳແໜ້ນແນວທາງ, ຝຶກຝົນຕົນເອງດ້ານຄວາມຮູ້, ຄວາມສາມາດໄດ້ສົມຄູ່ກັບໜ້າທີ່ການເມືອງໃນໄລຍະໃໝ່ຂອງພັກເຮົາ.